بَدنا بلد

! كل مرة بسافر ولو حتى على بلد منّو مصّنف من بين الأوائل عالمياً، بِزعل على بلدي
بزعل لأنو فينا نكون أحسن
بس ممنوع نكون أحسن
! لأنو في شي ملايين المصالح رح توقف ل ناس ما همّن إلا يسرقوا
بزعل إنو بعدنا عم نرجع ل ورا أكتر وأكتر وبعدو اللبناني بيتكبّر ومفكّر حالو أحسن
! وأذكى إنسان بالدني
ما بحياتها بتعمل عالم “brands” إنو ال
وعم تدفّش العالم “Brand”طالما إنّك لابس
لأنك أكبر من إنو توقف بالصف
“Classy” السيجار ما بيخليك
!طالما إنّك عم بتهين كل شي في عالم حواليك لأنك شايفن برغش وأقل منك
السيارات الغالية وموديل السنة ما بتعملك بني آدم وخصوصي لمّا تكّب زبالتك من
! الشباك يا زبالة
! الشجر والبحر والطبيعة والسهر…كلّن حلوين…بس بالصور
،لا فيك توصل ع محل بلا سمّة بدن ولا خلّوا طبيعة و لا بحر نضيف
“Gisele Bündchen” ومواصفات “Budget” وت تفوت ع مسبح مرتّب، بدّك
!!! مش أقل! لأنو الكل ناطرك بس ت ينتقدك
“Class” و ال “Perfect” الناس العادية ما إلا محل بين اللبنانيي ال

بعدو اللبناني بيسمّي كل إنسانة بتنضفلو جَيتو وقرفو “سرلنكية” وبيعاملها هيي وكل الجنسيات التانية بعنصرية ودونية وقلة إحترام….و هوي لما يتغرب ويجلي صحون بيكون متل الكلب (مش لأنو الشغل عيب أكيد، من ورا طريقة التفكيرالعنصرية والرجعية)  بس لما يرجع ع لبنان، بيوعا التكبر والعجرفة عندو وما بيحط حالو محل هالناس المغرّبة ت تشتغل وما ناقصها إهانة فوق همّا
يا ريت بتوقفوا تكبر لأنو كمان فوق إنو ما حقكن تتكبروا، طلع الباسبور اللبناني أسوء عاشر باسبور عالمياً يعني متلو متل السرلنكي والباكستاني والنيبالي وغيرو… بتفرقلا شي كم دولة زيادة فينا نسافر عليا بشي نقطة من هالعالم مش سامعين فيا أصلاً
https://www.youtube.com/watch?v=LSY7Rq10slk
!لأ ما بدنا أكل وأرجيلة ولا تياب وبحر وسهر…. يلي بدو ياه اللبناني المظبوط هوي إنو يبطّل مذلول
 !بدنا نظام وأمن ورجال تحكم هالبلد ت يصير إلنا عين نقول نحنا لبنانيي
!بدنا نقدر نسهر بلا ما ناكل شي مية ضربة سخنة
!وننزل عبحر نضيف من كل النواحي بمَيتو وبمستوى شعبو
ما نوصل عالعشا إذا رايحين نتغدى! وما نعمل مليون مشكل عالطريق
هيدا إذا ما متنا كمان بما إنو كل يوم في قتلى عالطرقات اللبنانية لدرجة
صار رايح أكتر ما راح بالحرب الأهلية وما حدا سئلان عنّا
بدنا يحترمونا لأنو عنّا دولة محترمة وقوية عم تمثلنا مش لأنو حاملين سيجار
“Brand” ولابسين
بدنا  شي مرّة نحّس إنو نحنا أهل البلد مش مكسورة شوكتنا وكأنو نحنا ضيوف
! والضيف هوي إبن البلد
بدنا “بلد” مش “قرطة عالم” متل ما قال زياد…..كلّن صار عندن حسابات بكل مصارف العالم ونحنا نشّف رصيدنا! نشّف دمنا وصرنا عايشين فرض واجب ولأنو مش قادرين نفّل

مين بيعيش بلا مي وبلا كهربا وبلا أمن وبلا نظام وبلا شغل…..مع إنو عم يدفع ضرايب متلو متل أوروبا بالنسبة للمعاش الزبالة يلي بياخدو؟؟ إلكن عين تتكبروا؟ بلد المي بطّل في مي!! سرقوها تا يبيعونا ياها وهيي من أبسط حقوقنا….بعدكن بتنتخبوا نفس الناس…بعدكن لاحقين طايفتكن وحزبكن عالعمياني ومتل اجركن هالبلد

والحكي ما بيخلص قد ما حكينا!!! كنّا نقول بدنا هيدي الشغلة وهيدي الشغلة ت يظبط
البلد…هلّق صرنا نقول: “بدنا بلد”! يعني عم تتخايلوا وين صرنا؟ تحت سابع وعاشر أرض

… دايماً بستثني بحكيي القلال يلي منّن هيك…بقا ما في لزوم تقولولي مش الكل هيك
،لأ مش الكل هيك وأكيد إنتوا يلي منكن هيك بيحقلكن تشوفوا حالكن بأخلاقكن
قدرة تحملكن، ثقافتكن ومبادئكن، وخصوصي نضالكن ت تبقوا
وتربوا ولادكن بالرغم من كل القرف يلي عايشين فيه
.وإنتوا بالذات بتنرفعلكن القبعة وبينحنا قدام صبركن واصراركن على الحياة

Written on September 15^th 2014

Can you imagine that after 5 years, things are worse? This is really frustrating….